Нүүр Гишүүн Сэдэв Шүлэг Өгүүллэг Сургамж Электрон мэндчилгээ Зургийн цомог Шилдэг Хайлт
 

 
  • Вэб сайт хийнэ, байрлуулна ...

    Domain, Host, Web ... : BBS Soft LLC by Bataka

    Өгүүллэг Өгүүллэг: Хатуу тоглоом
    Оруулсан admin on 2009-07-02 04:00:16 (41 уншсан)
    Өглөөний цэнгэг агаар нээлттэй салхивчаар нэвтрэн тэнүүчилж, болжморын жиргээн хүмүүсийн чихийг мялаахтай зэрэгцэн Сүхээ сая орноосоо өндийлөө. Шөнөжин эл хуль бодолд автан нойр нь хулжсан авч тийм ч их ядарсан шинжгүй хувцаслах түүний нүдэнд ямар нэгэн гүн гомдол хурсан мэт харагдана. Тэрээр угаалгын өрөөнд орж нүүр гараа угаахдаа бодолд автсан царай нь огтхон ч хувирсангүй, бодол нь тэртээ хаа нэгтээ тэнүүчилж хэн нэгнийг хүлээж бас түүндээ дэндүү их гомдсон нь илхэн харагдах аж.

    (Дэлгэрэнгүй... | Мэндчилгээ болгон илгээх |
    | 19654 байт | Сэтгэгдэл бичих? | Өгүүллэг | Оноо: 0)

    Өгүүллэг Өгүүллэг: О.Баяраа : Нэг л амьдрах хорвоо
    Оруулсан admin on 2009-07-02 03:50:27 (32 уншсан)

    Үдэш

    Цагийн зүү чаг хийн урагшилна. Бүсгүй байн байн санаа алдан цагийн зүү ширтэн,орцонд чимээ гарах бүр хаалга руу очин дурангаар харна. Гэвч тэр ирсэнгүй. Үүр гэгээртэл нойргүй хүлээсэн бүсгүй тэсвэр алдан зүүрмэглэх мөчид хаалга торхийн дуугарч тэр орж ирлээ. Гэхдээ түүний бие нь ирсэн боловч бүсгүйг гэх сэтгэлээ хаа нэгтээ гээгээд иржээ.чимээгүйхэн алхасаар орж ирээд хажууд нь цаашаа харан хэвтэх түүнийг хараад бүсгүйн нойр сэргэв. Үүрийн гэгээ нээлттэй салхивчаар алгуурхан тусахад хажууд нь хэвтэх тэр эрийн мөрөн дээр арилгаж амжаагүй уруулын будаг тамгалсан юм шиг дурайна. Бүсгүй аажуухан түүн лүү дөхнө. Урьд нь нарийхан мэт санагддаг ор нь түүнд маш өргөн мэт түүнд хүрэх нь ихээ хол мэт санагдана. Нуруунд нь хүрч ядан байхдаа тэр түүнийх биш харин өөр хүнийх болсоныг мэдэрч бүлээн нулимс шанхыг нь даган урсахад өөр бүсгүйн нялуун сүрчигний үнэрт ухаанаа алдатлаа бялуурсан эр тайван амьсгалан унтаж байлаа. Хайрын баланд ханатлаа мансуурч байсан цаг саяхан мэт. Орцных нь үүдэнд оровч гаравч хүлээж байдаг тэр залууг одоо ингээд алдах вий гэхээс бүсгүй айж байлаа. Би чамайг хэзээ ч өөрөөсөө явуулахгүй, чи минийх гэж бүсгүй шивнээд унтахыг хичээв.



    (Дэлгэрэнгүй... | Мэндчилгээ болгон илгээх |
    | 8476 байт | Сэтгэгдэл бичих? | Өгүүллэг | Оноо: 0)

    Шүлэг Шүлэг: Ц.Галбадрах : Миний эх орон
    Оруулсан admin on 2009-07-02 03:34:11 (11 уншсан)
    Оршил

    Бие минь тэнд төрсөн болохоор
    Бас сэтгэл минь тэнд төрсөн болохоор
    Билэг оюун ухааныг тэндээс авсан болохоор
    Би тэнд хайранд өлгийдүүлж,хайранд зодуулж өссөн болохоор
    би түүнийг эх орон гэж нэрлэдэг ээ

    ** МИНИЙ ЭХ ОРОН***

    Наран жаргавч саран мандах гэрлийн эх орон
    Навч нь унавч цас нь өнгөлөх цагаахан эх орон
    Нас нэмэхэд улам ойртох соронзон эх орон
    Намайг шүлэг болгон хувиргах ухаарлын эх орон

    (Дэлгэрэнгүй... | Мэндчилгээ болгон илгээх |
    | 4623 байт | Сэтгэгдэл бичих? | Шүлэг | Оноо: 0)

    Шүлэг Шүлэг: Г.Гантулга : Битгий уйлуулаарай
    Оруулсан admin on 2009-07-02 03:29:32 (25 уншсан)
    (Эрчүүддээ хандсан шүлэг)

    Бэр болж аавын чинь босгоор алхсан
    Бүсгүй түүнийгээ бүү уйлуулаарай
    Биендээ хүндэдсэн ачаа юуг нь хүндрүүлж
    Битүүхэн хадгалсан хайрыг нь шархлуулж бүү зовоогоорй
    Бишгүй л нэг зовлон амьдралд зөндөө бий ч
    Бичигдээгүй хууль хамтдаа туулдаг хорвоо дэлхий
    Бие биесээ ойлгож, зовлонгоо хуваалцахгүй л юм бол
    Би чиний хань гээд яах юм бэ
    Хань болж гэрийн чинь тооныг түшилцсэн
    Хайртай түүнийгээ бүү уйлуулаарай


    (Дэлгэрэнгүй... | Мэндчилгээ болгон илгээх |
    | 2063 байт | 1 сэтгэгдэл | Шүлэг | Оноо: 0)

    Б.Лхагвасүрэн Шүлэг: Б.Лхагвасүрэн : Тэр нэгэн бүсгүйд
    Оруулсан admin on 2009-07-02 03:25:14 (31 уншсан)
    Хувь дутсан дурлалаар өвдөж
    Хуурын чавхдас шиг хөг орж
    Хувцсан дотроо шатаж явахад минь
    Чи намайг тоогоогүй
    Тэгэхэд чи
    Холын холд
    Голын хор шиг л байсан
    Хоёр мөр шүлэг шиг уруулаар чинь үнсүүлж
    Хорвоог баръя даа гэж их бодсоон
    Бүтээгүй ээ
    Зүсэрсэн бороо шиг он жилүүдийн урсгалд
    Зүүдээ чамаар л үргэлжлүүлж
    Тэр жилийн амттай зовлонгийн
    Тэн хагасыг ч гээж чадаагүй л явна

    (Дэлгэрэнгүй... | Мэндчилгээ болгон илгээх |
    | 1983 байт | Сэтгэгдэл бичих? | Шүлэг | Оноо: 0)

    ''Өврийн дэвтэр'' яруу найргийн реалити шоу Шүлэг: №17 Энхболд
    Оруулсан uvriindevter on 2009-06-26 05:41:59 (67 уншсан)

     baatar_icc@yahoo.com writes "

    Авилгал

    1
    Атаа жөтөө жад мэт хурцлагдсан
    Энэ сонин хорвоод
    Алдар нэр тэнгэр тулан мөөг мэт олширсон
    Энэ сонин хорвоод
    Гишгэсэн газрын шавар биед наалдах
    Энэ сонин хорвоод
    Гадаа гарахад хүн хүнээ хэмлэж дуусах
    Энэ сонин хорвоод
    Хачин сайхан амьдарч байна

    "

    (Дэлгэрэнгүй... | Мэндчилгээ болгон илгээх |
    | 1378 байт | Сэтгэгдэл бичих? | Шүлэг | Оноо: 0)

    ''Өврийн дэвтэр'' яруу найргийн реалити шоу Шүлэг: №18 Энхбаатар
    Оруулсан uvriindevter on 2009-06-26 05:40:46 (49 уншсан)

     baatar_icc@yahoo.com writes "Авилга
    Болсон болоогүй
    Бурханы хуваргууд
    Бор төгрөгний төлөө
    Эрих эргүүлж зоос таслаж байна
    Мэдлэгтэй мэдлэггүй
    Эрээн зангиатнууд
    Эрх мэдэл
    Ашиг сонирхолын төлөө
    Төрд зүтгэж байна
    Чагнуур зүүсэн
    Цагаан хувцастангуудад
    Үзүүлэх гэсээр байтал
    Үхэх шиг нь байна
    Мөрдөстэй мөрдөсгүй цагдаа нэртнүүд
    "

    (Дэлгэрэнгүй... | Мэндчилгээ болгон илгээх |
    | 1202 байт | Сэтгэгдэл бичих? | Шүлэг | Оноо: 0)

    Д.Энхболдбаатар Шүлэг: Бошигт хаан Галдан бээр зарлиг болруун:
    Оруулсан admin on 2009-06-18 19:36:00 (1368 уншсан)

     "Агуу их сүр хүчний тухай дууль" романы өргөл шүлэг

    -Үе дутуу үгс утгаа үл гүйцээх шиг
    Үндэс дутуу мод ургаж эс цэцэглэх шиг
    Хаан үгүй бол улсын төр самтарна
    Халх үгүй бол Монгол минь хагасарна

    (Дэлгэрэнгүй... | Мэндчилгээ болгон илгээх |
    | 2353 байт | 15 санал | Шүлэг | Оноо: 5)


    Өгүүллэг Өгүүллэг: Доржзовдын Энхболд : Сүүлчийн хорчин
    Оруулсан admin on 2009-06-18 01:23:27 (266 уншсан)
    (өгүүллэг)

    Умар зүгээс Бээжин хотыг зорих хөл хөдөлгөөн нэт их нэгэн том замыг тосон мэхэлзэж , үдэн гэдэлзэх олон олон хот тосгодын нэг нь зам руу харсан өнгөн талаа пааландан гял цалаар гийлгэсэн атал ар нуруу нь ачаа даахаа алин цагийн больж, өтөлсөн хөгшин илжигний атираат нуруу шиг өмгөр умгар шавар тагзнуудаас бүрддэг Тайвас хэмээх нэвсгэр хот бөлгөө.


    (Дэлгэрэнгүй... | Мэндчилгээ болгон илгээх |
    | 13612 байт | 1 сэтгэгдэл | Өгүүллэг | Оноо: 3.5)

    Шүлэг Шүлэг: Мандухай сэцэн хатны тангаргийн шүлэг
    Оруулсан admin on 2009-06-18 01:16:43 (112 уншсан)
    Хар цагааны зүсэн ялгагдах үгүй
    Харь газар бэрлэдэг билээ би
    Хаан чиний үрийг балчир гэж
    Хасарын үр авъя гэхэд
    Хайрлан тэтгэх өршөөлийг эрж

    Хааны ордны дэргэд ирвэй би
    Харах нүд минь далдирч байна
    Харайх хөл минь сөгдөж байна
    Алаг морины зүсэн ялгагдах үгүй
    Алс газар бэрлэдэг билээ би
    Ач нар үрийг чинь өчүүхэн гэж
    Алсын авга авъя гэхэд
    Ачлан тэтгэх өршөөлийг эрж
    Алтан ордны чинь дэргэд ирвэй би
    Айх амь минь алдарч байна
    Арчих нүүр минь улайж байна


    (Дэлгэрэнгүй... | Мэндчилгээ болгон илгээх |
    | 2731 байт | Сэтгэгдэл бичих? | Шүлэг | Оноо: 0)

    Х.Сүглэгмаа Шүлэг: Х.Сүглэгмаа : Нүүдэл
    Оруулсан admin on 2009-06-17 23:59:12 (59 уншсан)
    Орчлон тэр чигээрээ нүүнэ
    Одод сарны тухай анивалзан анивалзан дуулна
    Очиж хэзээ ч үзээгүй наран зүг рүү шувууд ниснэ
    Ойр байгаа бүхэн холдохын төлөө тэмцэнэ
    Орчлон тэр чигээрээ нүүнэ

    Уулс байрандаа мянган жил оршихгүй
    Ус голдрилоороо мянган жил урсахгүй
    Үргэлж тэндээ бадрагч одод гэж байхгүй
    Үлгэр жаргахын хооронд л бууриа сэлгэж оддог
    Үхэл гэж байхгүй
    Дүрсээ солихын л төдий юм
    Үнэндээ нүгэл ч гэж байхгүй
    Ариусахын л төдий юм

    (Дэлгэрэнгүй... | Мэндчилгээ болгон илгээх |
    | 3196 байт | 1 сэтгэгдэл | Шүлэг | Оноо: 0)

    Ц.Бавуудорж Шүлэг: Ц.Бавуудорж : Хутагт Равжаагийн нутагт
    Оруулсан admin on 2009-06-17 23:25:31 (47 уншсан)
    Галбын хур хөллөж зүсрээд
    Ганган морьтон хатирч үзэгдэнэ
    Согтуу хутагтын хөхөмдөг нутаг
    Солонгын өнгөөр нумарч харагдана.

    Таанын цэцэг бүрхэж ганхаад
    Тансар морьтон гангарч үзэгдэнэ
    Галзуу хутагтын хөхөмдөг нутаг
    Гарьдын дэвэлтээр нисч харагдана.

    (Дэлгэрэнгүй... | Мэндчилгээ болгон илгээх |
    | 2988 байт | Сэтгэгдэл бичих? | Шүлэг | Оноо: 0)

    Ц.Бавуудорж Шүлэг: Ц.Бавуудорж : Сэтгэлийн аяз
    Оруулсан admin on 2009-06-17 23:24:18 (47 уншсан)
    Хөх өвсний налах чимээ сонсогдоно
    Хөндүүр зүрхэнд сарны гэгээ шагалзана
    Хөлийн чинь гишгэх хэмээр хорвоо ойртоно
    Хөмсгөн доор зөөлөн сэтгэлийн цалгиа анирлана
    Айсуй яваа баярын зөн совин татна
    Алганд тунасан борооны дусал мэлтэлзэнэ
    Харьж яваа орчлонгийн хором намайг урсгана
    Харц оносон нялх цэцгийн дэлбээ задарна
    Нарны хүрэлцэх орон зайд оршигч бүхэн
    Надаас илч гэрэл нэхнэ
    Сарны хөлд шаргал өвсний шүүдэр сүүдэхүй
    Салхины торгон мэдрэмж алганы хээнд сарнина
    Ирэх өдрүүдийн намираа бороон дунд
    Эрэвгэрхэн сормуусаа чийглэж санагалз даа
    Мөнгөн сортой санчингны чинь гэрэлд
    Мөнхийн эрхэмсэг дүрээ тодруулан нэг үзмээр байна
    Хэн ч бүтээхгүй ариун гунигаа орчлонд бэлэглэчихээд
    Хээнцэр гоо араншингаа чинийхээ л төлөө үлдээнээ БИ

    (Дэлгэрэнгүй... | Мэндчилгээ болгон илгээх |
    | 1 сэтгэгдэл | Шүлэг | Оноо: 0)

    Ц.Бавуудорж Шүлэг: Ц.Бавуудорж :Сарны туяагаар бичсэн тэмдэглэл
    Оруулсан admin on 2009-06-17 23:23:22 (80 уншсан)
    Орчлонгын сайханыг хайранд гэдэг юм
    Хайранд гэдгийг нь амссан хүний
    Харц нь нэг л гэрэлтэй гэдэг юм
    Харц чинь тийм л гэрэлтэй яваасай

    Амрагын сайхныг нууцханд гэдэг
    Нууцханд гэдгийг нь мэдсэн хүний
    Нулимс нь нэг л гэрэлтэй гэдэг юм
    Нулимс чинь тийм л гэрэлтэй яваасай

    (Дэлгэрэнгүй... | Мэндчилгээ болгон илгээх |
    | 1116 байт | Сэтгэгдэл бичих? | Шүлэг | Оноо: 0)

    Ц.Бавуудорж Шүлэг: Ц.Бавуудорж : Нэгэн хавар
    Оруулсан admin on 2009-06-17 23:22:17 (32 уншсан)
    Цонхон дээр удтал зогсож
    Чиний тухай бодход
    Цонхоор юу ч харагдахгүй
    Амьдрал, аз жаргал эсвэл
    Гуниг навчсын шуурга
    Аль аль нь сонсогдохгүй
    Зөвхөн чиний уруул гэрэлтэж
    Зөөлхөн харцаар чинь
    Энэ шилэн цонх
    Намайг ширтсээр уджээ...
    Хүзүүг минь зөөлөн ирвэгнүүлэх
    Хачин тунгалаг мэдрэмжийг анзаарвал
    Хэзээ нэгтээд суулгасан
    Цонхны минь цэцэг
    Хээнцэр яагаан дэлбээгээ
    Хэдийн дэлгээд сэрвийжээ...

    (Сэтгэгдэл бичих? | Шүлэг | Оноо: 0)

 
Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг
© Copyright 2005-2008 Biirbeh.COM.
     All rights reserved.
By Bataka
Утас : 976-99786364
И-мэйл :info@biirbeh.com